«Байкен-U» ЖШС-нің «Харасан-2» кенішінде 2018 жылдың 28 тамызында Өндірістік қауіпсіздік күні өткізілді. Өндірістік қауіпсіздік күніне орай, кеніштің барлық бөлімдері еңбек қорғау, радиациялық қауіпсіздік және қоршаған ортаны қорғау (ЕҚ, РҚ және ҚОҚ) бойынша негізгі көрсеткіштер, ықтимал қауіпті жағдайларды анықтау көрсеткіштері туралы стенд дайындап, қауіпсіз тәлім-тәртіп аудитін жүргізді.

           Барлық алаңдарда комиссиялық тексеру жүргізілді, онда жабдықтардың, жұмыс орнындағы қауіпсіздіктің жағдайы, қалдықтарды типтер бойынша жіктеу, арнайы контейнерлердің болуы және олардың таңбалануы, аумақтардың тазалығы, өрт қауіпсіздігінің жай-күйін және қызметкерлердің жеке қорғану құралдарын пайдалану мәселелері қамтылды. Сондай-ақ, үнемді өндіріс элементтерін және 5S жүйесін енгізу жағдайы тексерілді.

          Сондай-ақ, «Балалардың руданы қорғау туралы көзқарасы» тақырыбында балалардың суреттер сайысы өткізілді, өрттің алдын алу, жәбірленушіге алғашқы көмек көрсету және медициналық эвакуациялау кезіндегі шаралар тексеріліп, автокөліктер мен арнаулы техника алаңдарында «Автокөліктің өртенуі» тақырыбында оқыту тренингі өткізілді.

        Кеніштегі АБК қызметкерлері мен орталық аппарат қызметкерлері үшін   «Интертич Клиникасы» ЖШС-нің тәжірибелі медициналық қызметкерлерінің қатысуымен алғашқы көмек көрсету бойынша тренингтер өткізілді.

          Өндірістік қауіпсіздік күніне мердігер ұйымдар да қатысты. Олар өз стендтерінде кәсіпорын қызметі туралы, «Харасан-2» кенішінің аумағында жұмыс кезінде қауіпсіздік шаралары туралы ақпарат берді.

          Құзыретті комиссия қызметкерлер өкілінің қатысуымен қорытынды шығарып, әділдік пен айқындық негізінде өндірістік және қосалқы алаңдарда ЕҚ, ҚТ және ҚОҚ жағдайын бағалау критерийлеріне сай өндірістік қауіпсіздік бойынша Серіктестіктің үздік бөлімшесі анықталды.

         Өндірістік қауіпсіздік күні Серіктестік қызметкерлерінің жалпы жиналысымен аяқталды, онда ЖҚКЖ бөліміне «Байкен-U» ЖШС-нің «Өндірістік қауіпсіздік бойынша үздік бөлімшесі» жүлдесі тапсырылды, АТБ, БӨҚжА, ЦППР алаңдары өнеркәсіп қауіпсіздігі саласындағы жетістіктері үшін мадақтау жүлделерімен марапатталды. Кеніштің басқа бөлімдері естелік сыйлықтармен марапатталды. Қауіпсіздік мәселелеріне қатысты ерекшеленген қызметкерлер дипломдармен, алғыс хаттармен және сыйлықтармен марапатталды. Балалар суреттері сайысына қатысқан балаларға сыйлықтар берілді.