Ардагерлерді Ұлы Жеңіс күнімен құттықтау дәстүрге айналды. Ұлы Отан соғысы Жеңіс күнін мерекелеу қарсаңында «Байкен-U» ЖШС-гі Қызылорда облысы, Жаңақорған ауданының барлық ардагерлерін құттықтады.

Бүгінгі таңда Қызылорда облысының Жаңақорған ауданында Ұлы Отан соғысының алты ардагері бар, олардың саны жыл сайын азайып жатыр, сондықтан бүгінгі күні оларға көңіл бөлу мен көмек көрсету өте маңызды.

«Байкен-U» ЖШС-нің басшылығы атынан бас директор Ералин Ж.М., және Қызылорда облысы Жаңақорған ауданының әкімі Амреев Ғ.М. барлық ардагерлерді аралап, мерекелік көңіл-күй сыйлады. Кездесу барысында оларға алғыс сөздерін білдіре отырып мықты денсаулық пен ұзақ ғұмыр тілеп, ардагерлерге гүл шоғы, азық-түлік жинағы мен қаржылай көмек берілді.

Өз кезегінде, соғыс ардагерлері соғыстың қиын күндерін, соғыс естеліктерін және соғыс кезінде жоғалтқан жолдастарын әнгімелеп, жеңіске қол жеткізген құнды ерліктерімен бөлісті. Жеңіс күнімен!!!